Raza Musani 
لاہور: سی ٹی ڈی پنجاب نے دہشت گرد تنظیم القاعدہ کے بانی سربراہ اسامہ بن لادن کے قریبی ساتھی کو گجرات سے گرفتار کرلیا۔ سی ٹی ڈی پنجاب کے ترجمان کے مطابق دہشت گرد امین الحق القاعدہ کا سرکردہ جنگجو ہے جسے انٹیلی جنس معلومات کی بنیاد پر آپریشن کے بعد گرفتار کیا گیا۔ ترجمان کا بتانا ہے کہ دہشت گرد امین الحق کا نام اقوام متحدہ کی عالمی دہشت گردوں کی فہرست میں بھی شامل ہے۔ گرفتاری کا مقدمہ درج کر کے مزید تفتیش شروع کردی گئی ہے۔
