Raza Musani 
دمشق :شام کے علاقے سوویدہ میں جھڑپیں دوبارہ شروع ہوگئی ہیں۔ لڑائی میں ایک فوجی اور تین جنجگو ہلاک جبکہ کئی زخمی ہوگئے۔ میڈیا رپورٹ کے مطابق سویدہ میں دروز ملیشیا نے سیکورٹی فورسز کے اہلکاروں پر حملہ کیا جبکہ جنوبی صوبے کے کئی دیہات پر گولہ باری بھی کی گئی جس کے نتیجے میں متعدد سیکورٹی اہلکار زخمی ہوئے۔ سیکورٹی ذریعہ کے مطابق مسلح گروپوں نے دروزوں کے علاقے میں جنگ بندی کی خلاف ورزی کی ہے۔
شامی حکومت نے ایک بیان میں کہا کہ سویدہ میں باغی گروہوں کی قیادت میں میڈیا اور فرقہ وارانہ مہم جوئی جنگ بندی کے باجود بند نہیں ہوئی۔ یہ گروہ شامی ریاست کی کوششوں اور سویدا میں ہمارے لوگوں کے تئیں ذمہ داریاں نبھانے میں ناکام رہے ہیں۔ سویدا میں 13 جولائی کو بدو قبائلی جنگجوؤں اور دروز کے دھڑوں کے درمیان تشدد پھوٹ پڑے تھا جس میں سینکڑوں افراد ہلاک ہوگئے تھے۔
