Raza Musani 
جنین : مغربی کنارے میں صیہونی فوج کا آپریشن جاری ہے۔ جھڑپوں میں مزید آٹھ فوجی ہلاک و زخمی ہوگئے۔صیہونی فوج نے جنین میں دو ہفتوں کے طویل محاصرے کے بعد طولکرم اور اب طوباس میں بھی آپریشن تیز کردیا ہے۔ طوباس کے قصبے تیسر میں مزاحمت کاروں کے حملے میں آٹھ فوجی زخمی ہوئے۔ دو فوجی زخموں کی تاب نہ لاتے ہوئے دم توڑ گئے۔ القدس بریگیڈ کے مزاحمت کاروں نے اسرائیلی پیادہ دستوں اور فوجی گاڑیوں پر گولیوں کی بارش کردی جبکہ سجیل میں ایک فوجی گاڑی کو دیسی ساختہ دھماکہ خیز ڈیوائس سے اڑادیا۔ حملے میں کئی فوجی زخمی ہوئے۔ ادھر طولکرم۔ نابلوس۔ جنین اور دوسرے علاقوں سے گیارہ فلسطینیوں کو حراست میں لے لیا گیا۔
