ضلع کرم میں پانچویں روز بھی جھڑپیں جاری، اشیائے خورونوش، فیول اور ادویات کی قلت

پاراچنار : ضلع کرام میں پانچویں روز بھی مختلف محاذوں پر لڑائی جاری ہے۔ پیواڑ تری مینگل، مقبل کنج علیزئی، بوشہرہ، مالی خیل، بالش خیل سنگینہ صدہ اور کرمان پاڑہ چمکنی میں شدید لڑائی وقفے وقفے سے جاری ہے۔ تکفیری ٹولے کو طالبان اور دیگر تکفیری گروپوں کی بھر پور حمایت حاصل ہے۔ آبادیوں پر حملوں اور لڑائی میں شہید مومنین کی تعداد 6 سے تجاوز ہوگئی ہے جبکہ 50 سے زائد افراد زخمی ہیں۔ دوسری جانب فریق مخالف کا بھی بھاری جانی نقصان ہوا ہے۔پانچ دنوں سے پاراچنار مکمل محاصرے میں ہے اور تمام راستے بند ہے۔ اشیائے خورونوش، فیول اور ادویات کی قلت ہے۔ تعلیمی ادارے بند ہیں۔ بوشہرہ اور اردگرد کے علاقوں پر نامعلوم ڈرون طیاروں کی پروازیں بھی جاری ہیں البتہ ابتک یہ معلوم نہیں ہوسکا کہ یہ ڈرون کون کنٹرول کر رہا ہے۔ علاقے میں تھری جی اور فور جی سروس سیکیورٹی وجوہات کی بنا پر تاحکم ثانی معطل ہے۔