Raza Musani 
جنین : مغربی کنارے کے شہر جنین میں صیہونی فوج سے جھڑپوں میں دو مزاحمت کار شہید ہوگئے۔ جبکہ تین زخمی ہوئے۔ فائرنگ سے ایک صیہونی فوجی زخمی ہوا۔ صیہونی فوج نے مغربی کنارے کے شہر جنین کیمپ میں آپریشن کو توسیع دے دی ہے۔
جنین شہر اور کیمپ کے بعد مضافاتی علاقوں میں کارروائیاں تیز کردی گئی ہیں۔ چھاپہ مار کارروائیاں کرکے بیس سے زائد فلسطینیوں کو گرفتار کرلیا گیا۔آپریشن کو بڑھانے کیلئے جنین کے تمام محلوں کو خالی کرالیا گیا ہے۔ کیمپ میں پانی، بجلی اور مواصلاتی نیٹ ورک کاٹ دیا گیا ہے۔ آپریشن کے بعد سینکڑوں فلسطینی متاثرہ علاقوں سے نقل مکانی کرگئے۔
لوگ بلڈوزروں سے سڑکیں تباہ کرنے کی وجہ سے پیدل ہی بھاری سامان لیکر علاقے سے نکل رہے ہیں۔
