Raza Musani 
غزہ : اسرائیلی فوج نے رفح میں سرنگوں سے نکلنے والے چار مزاحمت کاروں کو نشانہ بنانے کا دعویٰ کیا ہے۔ اسرائیلی طیاروں نے رفح کے کئی علاقوں کو بمباری اور گولہ باری کا نشانہ بنایا۔ جبکہ بحری جہازوں نے شہر کی ساحلی پٹی پر گولے داغے۔ جس سے کئی عمارتیں تباہ ہوگئیں۔
حملوں میں کئی افراد زخمی ہوئے۔ سات اکتوبر دو ہزار تئیس کے بعد اب تک ستر ہزار افراد شہید اور ایک لاکھ ستر ہزار سے زائد زخمی ہوچکے ہیں۔ جس میں بڑی تعداد میں خواتین اور بچے شامل ہیں۔
ادھر جنگ بندی کے باوجود امداد کی بندش سے صورتحال تشویشناک ہوتی جارہی ہے۔ بچوں کی فلاح کے لئے کام کرنے والے اقوام متحدہ کے ادارے یونیسیف نے خبردار کیا ہے کہ غزہ میں بچوں کی غذائی صورتحال تیزی سے بگڑ رہی ہے۔ انسانی بحران کے باعث بچوں کی زندگیاں شدید خطرے میں ہیں۔ یونیسیف کے مطابق پانچ سال سے کم عمر کے نو ہزار سے زائد بچے شدید غذائی کمی کا شکار پائے گئے ہیں۔
