Raza Musani 
بیجنگ : چین نے امریکا پر جوابی وار کرتے ہوئے امریکی مصنوعات کی درآمد پر چونتیس فیصد ٹیرف عائد کردیا۔ چین کی جانب سے صرف امریکی مصنوعات پر ٹیرف ہی عائد نہیں کیا گیا بلکہ چینی وزارت تجارت نے 11 امریکی کمپنیوں کوغیر معتبر اداروں کی فہرست میں بھی شامل کر دیا ہے جس سے وہ چین میں کاروبار نہیں کر سکیں گی۔ اس کےعلاوہ چین نے امریکی ٹیرف کے خلاف ورلڈ ٹریڈ آرگنائزیشن (ڈبلیو ٹی او) میں مقدمہ میں بھی دائر کردیا ہے۔ چین نے سات معدنیات کی برآمدات پر بھی سخت پابندیاں عائد کر دی ہیں۔ چین کے کسٹمز حکام نے امریکی چکن کی درآمد پر بھی پابندی عائد کر دی ہے۔ چین کی جانب سے عائد کردہ پابندیوں کا اطلاق 10 اپریل سے ہوگا۔
