Raza Musani 
کیپ ٹاؤن : جنوبی افریقہ نے کہا ہے کہ ان کا ملک مزید چارٹر پروازوں کے ذریعے فلسطینی مسافروں کو قبول نہیں کرے گا۔ جنوبی افریقہ کے وزیرخارجہ رونالڈ لامولا کہا کہ 153 فلسطینیوں کو لانے والی حالیہ پرواز کے حوالے سے کئی پہلو اب بھی غیر واضح اور متنازع ہیں۔ انہوں نے اس اقدام کو غزہ اور مغربی کنارے سے فلسطینیوں کو نکالنے کی واضح سازش قرار دیا۔ جنوبی افریقہ کے کارکنوں نے الزام لگایا ہے کہ اسرائیل فلسطینیوں کو غزہ سے باہر نکالنے کے لیے نام نہاد انسانی گروپ کا استعمال کر رہا ہے، جسے انہوں نے نسلی صفائی کی تازہ ترین شکل قرار دیا۔
انہوں نے بتایا کہ کئی فلسطینی بغیر مکمل معلومات کے اس سفر پر روانہ ہوئے۔ یہ جانے کے بغیر کہ وہ کہاں جا رہے ہیں۔ یہ اقدام انسانی حقوق اور فلسطینی عوام کی حفاظت کے لیے ایک سنگین خطرہ تصور کیا جا رہا ہے۔
