Raza Musani 
بغداد : عراق میں محاذ استقامت کے دو عظیم کمانڈر شہید جنرل قاسم سلیمانی اور شہید ابو مہدی المہندس کی برسی بھرپور طریقے سے منائی جارہی ہے۔ شاہراہوں پر جگہ جگہ دونوں کمانڈرز کی تصاویر آویزاں کردی گئیں۔ الحشد الشعبی نے اعلان کیا ہے کہ استقامت کے کمانڈروں کی دوسری برسی پر مختلف علاقوں میں 400 تعزیتی، مذہبی و سماجی پروگراموں کا انعقاد کیا جا رہا ہے۔ یہ پروگرام الحشد الشعبی، سرکاری و غیرسرکاری اداروں، حسینی موکبوں اور یونیورسٹیوں میں منعقد ہوں گے۔ الحشد الشعبی کے شعبہ تعلقات عامہ کے سربراہ نے عراقی حکومت سے مطالبہ کیا کہ وہ شہداء کے احترام اور اس بین الاقوامی دہشت گردی کو اکھاڑ پھینکنے میں ان شہداء کے کردار کے پیش نظر 3 جنوری کو عام تعطیل کا اعلان کریں۔
