Raza Musani 
دوحہ : حماس نے غزہ میں مستقل جنگ بندی کے ایک عمومی فریم ورک پر امریکی ایلچی اسٹیو وٹکوف کے ساتھ معاہدے کا دعویٰ کیا ہے۔ حماس نے کہا ہےکہ ہم وٹکوف کے ساتھ ایک عام فریم ورک پر معاہدے پر پہنچ گئے ہیں جو مستقل جنگ بندی، غزہ سے اسرائیلی قابض افواج کے مکمل انخلا اور انسانی امداد کے بلا روک ٹوک داخلے کو یقینی بناتا ہے۔ حماس نے کہا کہ اس معاہدے میں دس اسرائیلی قیدیوں اور چند لاشوں کی واپسی کے بدلے میں ایک متفقہ تعداد میں فلسطینی قیدیوں کی رہائی شامل ہے۔ جسکی ضمانت ثالث قوتیں دے رہی ہیں۔ حماس نے کہا کہ معاہدے میں جنگ بندی کے اعلان کے بعد غزہ کے معاملات کو سنبھالنے کے لیے ایک پیشہ ور کمیٹی کا قیام بھی شامل ہے۔ حماس کا کہنا ہے کہ اب وہ اس فریم ورک پر اسرائیل کے حتمی جواب کی منتظر ہے۔
دوسری جانب اسرائیل نے حماس کی جانب سے منظور شدہ اس تجویز کو رد کر دیا ہے۔ حماس کے بیان پر ثالث مصر، قطر یا امریکا کی جانب سے فوری طور پر کوئی تبصرہ نہیں کیا گیا۔
