نیپال اور رومانیہ میں جنگی مجرم صیہونی فوجیوں کیخلاف مقدمات

بخارسٹ : نیپال اور رومانیہ میں بھی جنگی جرائم میں ملوث اسرائیلی فوجی کے خلاف شکایت درج کرادی گئی۔دی انٹرنیشنل سینٹر آف جسٹس فار فلسطین ۔ آئی سی جے پی ۔ نے رومانیہ کے حکام کو ایک مجرمانہ شکایت جمع کرائی ہے جس میں رومانیہ میں موجود ایک مشتبہ اسرائیلی فوجی کیخلاف تحقیقات اور گرفتاری کا مطالبہ کیا گیا ہے۔ آئی سی جے پی نے نامزد مشتبہ شخص کے خلاف شواہد جمع کرائے ہیں جس میں غزہ میں ایک اور فوجی کے ساتھ اس کی تصویر بھی شامل ہے۔جس نے فلسطینی شہریوں کا لباس پہن رکھا تھا۔ درخواست میں کہاگیاہےکہ اس شخص نے اسرائیلی فوجی کارروائیوں میں حصہ لیا ہے جو رومانیہ اور بین الاقوامی قانون کے تحت جنگی جرائم کا درجہ رکھتا ہے۔
اس سے پہلے ہند رجب فاؤنڈیشن نے نیپال میں ایک اسرائیلی فوجی نیچمیا کے خلاف جنگی جرائم کے الزام میں مقدمہ دائر کرایا تھا۔