غزہ نسل کشی میں معاونت پر ٹرمپ کے خلاف مقدمے کا مطالبہ

جنیوا: یورپی انسانی حقوق تنظیم نے غزہ نسل کشی میں معاونت کے الزام میں ٹرمپ کے خلاف فوجداری مقدمہ چلانے کا مطالبہ کر دیا۔ یورپی مانیٹرنگ گروپ نے امریکی صدر ڈونلڈ ٹرمپ سے مطالبہ کیا ہے کہ وہ غزہ ہیومینٹیرین فاؤنڈیشن امداد کی تقسیم کے طریقہ کار کی حمایت کے باعث نسل کشی میں ملوث ہونے پر مجرمانہ قانونی چارہ جوئی کا سامنا کریں۔ گروپ نے بین الاقوامی اداروں پر زور دیا کہ وہ ٹرمپ کو غزہ میں امریکی حمایت یافتہ امدادی تنظیم کی حمایت پر جوابدہ ٹھہرائیں۔ مانیٹرنگ گروپ کا کہنا تھا کہ میدان سے ملنے والی شہادتوں نے اسرائیلی فوجیوں کے ساتھ امداد کے متلاشیوں پر حملوں میں نجی امریکی سیکیورٹی کنٹریکٹرز کے ملوث ہونے کی نشاندہی کی ہے۔ گروپ نے کہا ہے کہ ٹرمپ کی انتظامیہ نے اسرائیلی فوجی مہم کے لیے جامع فوجی، مالی، سیاسی اور سفارتی مدد کی چھتری بھی فراہم کی ہے۔