Raza Musani 
قاہرہ : اسرائیلی ہٹ دھرمی کے سبب قاہرہ مذاکرات ناکام ہوگئے۔ حماس کا وفد واپس چلاگیا۔ حماس کے وفد نے کہا ہے کہ مذاکرات میں اس لئے پیشرفت نہ ہوسکی کیونکہ اسرائیل نے جارحیت ختم کرنے۔ افواج کو واپس بلانے ۔ امداد کے داخلے کی اجازت دینے اور بے گھروں کی واپسی یقینی بنانے کے مطالبات کو مسترد کردیا ہے۔ حماس رہنما سمیع ابو زہری نے کہا کہ اسرائیل نے ثالثوں کی طرف سے معاہدے تک پہنچنے کی تمام کوششوں کو ناکام بنادیا۔ انہوں نے کہا کہ جب تک کوئی معاہدہ نہیں ہو جاتا جنگ بندی کی بات چیت جاری رہے گی۔ بیروت میں حماس کے سینیئر رہنما اسامہ حمدان نے کہا کہ یہ بات واضح تھی کہ امریکی اور اسرائیلی جنگ ختم کرنے کے بجائے عارضی جنگ بندی چاہتے ہیں۔ دونوں ممالک زیادہ سے زیادہ وقت حاصل کرنے کیلئے جوڑ توڑ کررہے ہیں۔
