Raza Musani 
اسلام آباد : وزیر خارجہ مخدوم شاہ محمود قریشی نے کہا ہے کہ سانحہ سیالکوٹ انتہائی تکلیف دہ ہے۔ کوئی معاشرہ ایسے واقعات کی اجازت نہیں دیتا۔ جنونی کیفیت کے سامنے بند باندھنے کیلئے حکومت اور عوام دونوں کو اپنا کردار ادا کرنا ہوگا۔ انتہا پسند سوچ کا ملکر مقابلہ کرنا ہوگا۔ حکومت کے ساتھ معاشرے کو بھی ذمہ داری ادا کرنا ہوگی۔ سری لنکن حکومت پاکستانی حکومت کے اقدامات سے مطمئن ہے۔ سری لنکن حکومت چاہتی ہے کہ ذمہ داروں کو سزا ملے۔ہماری بھی یہی کوشش ہے کہ ذمہ داران کٹہرے میں لائے جائیں۔ واقعہ کی تحقیقات جاری ہیں۔ وزیرخارجہ نے کہا کہ افغانستان کے حالات خدانخواستہ خراب ہوئے تو پاکستان سمیت پورا خطہ متاثر ہو گا۔افغانستان کی صورتحال پر فوری توجہ دینا ہوگی تاکہ انسانی بحران میں اضافہ نہ ہو۔
