خان یونس میں بمباری، 5 بچوں اور صحافی سمیت 42 فلسطینی شہید

غزہ : صیہونی فوج نے غزہ میں گھروں۔ خیمہ بستی اور تباہ عمارتوں پر حملوں میں بچوں سمیت بیالیس فلسطینی شہید اور کئی زخمی کردئے۔صیہونی فوج نے خان یونس پر رہائشی عمارت کو نشانہ بنایا۔ فضائی حملے میں عمارت تباہ ہوگئی۔ حملے میں پانچ بچوں سمیت نو فلسطینی شہید ہوئے۔ ناصر اسپتال کے قریب خیمہ بستی کے قریب صحافیوں پر حملہ کیا گیا جس میں صحافی سمیت دو فلسطینی شہید سات زخمی ہو گئے۔ غزہ سٹی اور خان یونس میں مختلف مقامات پر بم برسائے۔ جس کے نتیجے میں درجنوں اموات ہوئیں۔
ادھر حماس نے غزہ سے اسرائیل کے جنوبی علاقے اشدود کی طرف 10راکٹ فائر کیے۔ ہزاروں شہریوں کو جان بچانے کے لیے کئی گھنٹوں تک سرنگوں میں پناہ لینا پڑی ۔ حملے میں ایک شخص زخمی اور متعدد گاڑیاں تباہ ہوگئیں۔