بی جی پی عہدیداروں کی توہین رسالت، انڈونیشیا اور ملائیشیا کا بھارتی سفیروں کو طلب کرکے احتجاج

  Click to listen highlighted text! جکارتہ : بھارتیہ جنتا پارٹی کے دو عہدیداروں کی جانب سے پیغمبر اسلام (ص) کی توہین پر مسلم دنیا میں احتجاج کا سلسلہ جاری ہے۔ انڈونیشیا اور ملائیشیا نے اپنے ملکوں میں بھارتی سفیروں کو طلب کرکے احتجاج کیا۔ انڈونیشیا کی وزارت خارجہ کے ترجمان نے اے ایف پی کو بتایا کہ جکارتہ میں انڈین سفیر منوج کمار بھارتی کو طلب کیا گیا اور حکومت نے مسلم مخالف بیان پر اپنا احتجاج ریکارڈ کرایا۔انڈونیشیا کی وزارت خارجہ نے کہا ہے کہ ان کا ملک پیغمبر اسلام(ص) کے خلاف ناقابل قبول توہین آمیز بیان کی سخت الفاظ میں مذمت کرتا ہے۔ ملائیشیا کی وزارت خارجہ نے بھی انڈین سیاست دانوں کے توہین آمیز تبصرے کی دو ٹوک الفاظ میں مذمت کی ہے۔ ملائشیا کی وزارت خارجہ کے بیان کے مطابق ان کے ملک نے اسلاموفوبیا کو ختم کرنے اور امن و استحکام کے مفاد کی خاطر اشتعال انگیز کارروائی کو روکنے کے لیے انڈیا سے اکٹھے کام کرنے کا مطالبہ کیا ہے۔

جکارتہ : بھارتیہ جنتا پارٹی کے دو عہدیداروں کی جانب سے پیغمبر اسلام (ص) کی توہین پر مسلم دنیا میں احتجاج کا سلسلہ جاری ہے۔ انڈونیشیا اور ملائیشیا نے اپنے ملکوں میں بھارتی سفیروں کو طلب کرکے احتجاج کیا۔ انڈونیشیا کی وزارت خارجہ کے ترجمان نے اے ایف پی کو بتایا کہ جکارتہ میں انڈین سفیر منوج کمار بھارتی کو طلب کیا گیا اور حکومت نے مسلم مخالف بیان پر اپنا احتجاج ریکارڈ کرایا۔انڈونیشیا کی وزارت خارجہ نے کہا ہے کہ ان کا ملک پیغمبر اسلام(ص) کے خلاف ناقابل قبول توہین آمیز بیان کی سخت الفاظ میں مذمت کرتا ہے۔ ملائیشیا کی وزارت خارجہ نے بھی انڈین سیاست دانوں کے توہین آمیز تبصرے کی دو ٹوک الفاظ میں مذمت کی ہے۔ ملائشیا کی وزارت خارجہ کے بیان کے مطابق ان کے ملک نے اسلاموفوبیا کو ختم کرنے اور امن و استحکام کے مفاد کی خاطر اشتعال انگیز کارروائی کو روکنے کے لیے انڈیا سے اکٹھے کام کرنے کا مطالبہ کیا ہے۔