Raza Musani 
غزہ :غزہ کے چوکوں اور چوراہوں پر گھمسان کی جنگ جاری ہے۔ اسرائیلی فوج نے محفوظ راستہ بھی بند کر دیا۔ رفح، خان یونس اور غزہ سٹی میں صیہونی فوج کو شدید مزاحمت کا سامنا ہے۔ مزاحمت کاروں نے شدید حملے کرکے صیہونی فوج کی پیشقدمی روک دی ہے ۔چوبیس گھنٹوں میں القسام بریگیڈ کی جانب سے بیس گاڑیاں تباہ اور پچیس سے زائد اسرائیلی فوجیوں کی ہلاکت کا دعویٰ کیا گیا ہے۔ جبکہ اسرائیلی فوج نے پانچ اہلکاروں کی ہلاکت کی تصدیق کی ہے۔ ادھر صیہونی فوج کے ڈرونز اور جنگی طیاروں نے سو سے زیادہ حملے کئے۔ دیرالبلاح۔ المغازی۔ البریج اور نصیرات میں رہائشی عمارتوں کو چن چن کر نشانہ بنایا۔
چوبیس گھنٹوں میں اسرائیلی فوج کے حملوں میں دو سو بیس سے زائد فلسطینی شہید ہوچکے ہیں۔
