Raza Musani 
کراچی: سندھ ہائی کورٹ نے کالعدم تنظیم کے رہنما اورنگزیب فاروقی کی الیکشن میں حصہ لینے سے متعلق درخواست مسترد کردی۔ سندھ ہائیکورٹ میں پی ایس 88 سے اورنگزیب فاروقی کی الیکشن ٹریبونل کے کاغذات نامزدگی مسترد کرنے کیخلاف درخواست کی سماعت ہوئی۔ سرکاری وکیل نے موقف دیا کہ درخواستگزار متعلقہ حلقہ میں رجسٹرڈ ووٹر نہیں ہیں۔ درخواست گزار کے وکیل نے موقف اپنایا کہ اورنگزیب فاروقی 2018ء میں پی ایس 88 ملیر سے انتخابات میں حصہ لے چکے ہیں۔ چیف جسٹس عقیل احمد عباسی نے ریمارکس دیئے کہ ووٹ رجسٹریشن کیلئے تو میسج بھی آتا ہے۔ عدالت نے اورنگزیب فاروقی کی درخواست مسترد کردی۔
