بنگلہ دیش، کھلنا یونیورسٹی میں طلبا تنظیموں میں تصادم، 150 زخمی

ڈھاکا: بنگلہ دیش کی کھلنا یونیورسٹی کے کیمپس میں طلبا سیاست پر پابندی کے معاملے پر طلبا تنظیمیں لڑ پڑیں۔ جس میں 150 سے زائد طالب علم زخمی ہوگئے۔ سابق حکمران جماعت بی این پی کے یوتھ ونگ نے کھلنا یونیورسٹی آف انجینئرنگ اینڈ ٹیکنالوجی میں رکنیت سازی کی کوشش کی۔ جس پر جماعت اسلامی سے تنازع ہوا اور شیخ حسینہ واجد کیخلاف تحریک چلانے والی طلبا تنظیم اسٹوڈنٹس اگینسٹ ڈسکریمنٹ کے ارکان محاذ آرائی میں شامل ہوگئے۔ طلبا نے ایک دوسرے پر اینٹوں۔ لاٹھیوں اور تیز دھار ہتھیاروں سے حملے کئے۔ دونوں گروہوں نے ایک دوسرے پر تشدد شروع کرنے کا الزام عائد کیا ہے۔
کھلنا یونیورسٹی کے واقعہ نے ملک کے دیگر حصوں میں بھی طلبا میں غم و غصے کو بھڑکا دیا اور ڈھاکا یونیورسٹی میں بی این پی کے یوتھ ونگ کی مذمت میں احتجاجی ریلی نکالی گئی۔