Raza Musani 
مناما : بحرین نے اسرائیل سے اپنے سفیر کو واپس بلا لیا ہے جبکہ اسرائیلی سفیر بھی واپس چلے گئے ہیں۔ بحرین کی پارلیمنٹ نے کہاہے کہ یہ فیصلہ فلسطینی عوام کے جائز حقوق کی حمایت میں اٹھائے گئے اقدامات کا حصہ ہے۔ سفیروں کی واپسی کے ساتھ بحرین نے اسرائیل سے تمام اقتصادی تعلقات بھی منقطع کر دیے ہیں۔ گذشتہ روز اردن نے بھی اسرائیل سے اپنے سفیر کو واپس بلالیا تھا اور اس کے سفیر کو واپس بھیج دیا تھا۔
یاد رہے کہ بحرین ان چار عرب ممالک میں شامل ہے جس نے 2020 میں اسرائیل کے ساتھ تعلقات کی بحالی کے معاہدے پر دستخط کئے تھے۔
