آزاد کشمیر : عباس پور میں تکفیری دہشت گردوں کی فائرنگ، ایک شیعہ شہید بھائی زخمی

پونچھ : آزاد کشمیر کے ضلع پونچھ کے علاقے عباس پور میں تکفیری دہشت گردوں نے فائرنگ کرکے سید عزیز حسین شاہ بخاری کو شہید اور ان کے بھائی سید سخاوت حسین شاہ کو زخمی کردیا۔ فائرنگ کا واقعہ پانچ جنوری کی صبح پیش آیا۔ عزیز شاہ اور ان کے بھائی کو گھر میں گھس کر گولیاں ماری گئیں۔ عزیز شاہ کی اہلیہ دوسرے کمرے میں موجود تھیں انہوں نے گولیوں کی آواز سن کر دروازہ بند کردیا اور ان کے شور مچانے پر محلہ دار پہنچ گئے انھوں نے تھانہ عباس پور پولیس کو اطلاع دی اور پولیس نے دہشت گردوں کو زخمی حالت میں گرفتار کر لیا۔علاقے میں یہ واحد گھر ہے جہاں علم غازی عباس لگا ہوا ہے جس کی وجہ سے یہ پہلے سے نشانے پر تھا۔