مرجعیت کو دھمکی دینے والا محارب ہے اس کی مدد حرام ہے، آیت‌ الله مکارم شیرازی کا فتویٰ

تہران : آیت‌ الله العظمی مکارم شیرازی نے تاریخی فتویٰ دیا ہے کہ جو شخص یا حکومت، اسلامی امت اور اس کی حاکمیت کو نقصان پہنچانے کے لیے رہبری یا مرجعیت کو دھمکی دے یا ان پر حملہ کرے وہ محارب کے حکم میں ہے۔ اور مسلمانوں یا اسلامی حکومتوں کی طرف سے اس کی کسی بھی قسم کی مدد یا تقویت حرام ہے۔ تمام مسلمانوں پر واجب ہے کہ وہ دنیا بھر میں ان دشمنوں کو اپنے قول اور عمل سے پشیمان کریں. انہوں نے کہا کہ اگر اس راہ میں کوئی تکلیف یا نقصان برداشت کریں تو ان شاء اللہ انہیں مجاہد فی سبیل اللہ کا اجر حاصل ہوگا۔ اللہ تعالیٰ اسلامی معاشرے کو دشمنوں کے شر سے محفوظ فرمائے اور حضرت صاحب العصر والزمان (عج) کے ظہور میں تعجیل فرمائے۔