عراق سے اسرائیلی کے بیرک، انفارمیشن بیس اور ریفائنریز پر حملے

بغداد : عراق میں مزاحمتی گروپ نے اسرائیل میں نئے حملے شروع کردئے۔ عراق سے اسرائیل کے شمالی حصے میں روش پینا ہوائی اڈے پر فوجی بیرک کو ڈرون سے نشانہ بنایا گیا۔ جبکہ مقبوضہ گولان میں انفارمیشن بیس اور حیفہ میں آئل ریفائنریوں پر ڈرون حملے کئے گئے۔ مزاحمت کار گروپ نے کہاہے کہ وہ دشمن کے مضبوط ٹھکانوں کی مکمل تباہی تک قابض حکومت کو نشانہ بنانا جاری رکھے گا۔
ادھر یمن سے بحیرہ احمر میں یورپی جہاز کو ڈرون سے نشانہ بنایا گیا۔ جبکہ خلیج عدن میں سنگاپور کے جہاز پر اینٹی شپ میزائل سے حملہ کیا گیا۔ فرانسسیی فوج نے کہا ہے کہ یورپی جہاز کی طرف بھیجے گئے چار ڈرونز کو فضا میں تباہ کردیا۔ادھر امریکی فوج نے بھی یمن میں دو میزائلوں کو تباہ کرنے کا دعویٰ کیا ہے۔ امریکی فوج نے کہا کہ یہ میزائل ایک ٹرک پر نصب تھے اور انہیں جہازوں پر داغا جانا تھا۔