شام، لبنان، یمن اور عراق سے بھی اسرائیل پر حملے

بیروت : ایران کے ساتھ ساتھ شام ۔ لبنان۔ یمن اور عراق سے بھی مزاحمت کاروں نے اسرائیل پر حملے کئے۔ حزب اللہ نے گولان میں اسرائیلی بیرکوں میں فضائی دفاعی ہیڈکوارٹر پر درجنوں راکٹ داغ دئے۔ حزب اللہ نے مقبوضہ گولان میں نفح، یردن اور کیلا کے اسرائیلی ٹھکانوں کو نشانہ بنایا ہے۔ گولان میں اسرائیلی بستی کاتزرین کے قریب ایک فوجی کیمپ پر 30 کے قریب راکٹ فائر کیے گئے۔ شام سے بھی شمالی گولان۔ دیمونا اور ایلات میں مختلف اہداف کو نشانہ بنایا گیا۔ شام سے شمالی مقبوضہ گولان پر 28 میزائل داغے گئے۔ یمنی فوج نے بھی یمن سے بحیرہ احمر کی طرف متعدد میزائل اور ڈرون داغے۔ عراق کی مزاحمتی تنظیم نے بھی اسرائیل پر راکٹوں سے حملہ کیا۔