ایران میں 9000 مقامات پر حملے، مئیر تہران

اسلامی جمہوریہ ایران کے دارالحکومت تہران کے میئر نے کہا ہے جنگ کے ابتدائی 10 دنوں میں دشمن نے ملک کے 9000 مقامات کو نشانہ بنایا۔ تسنیم خبر رساں ایجنسی کے مطابق علی رضا زاکانی نے موجودہ جنگ میں تہران میونسپلٹی کے اقدامات کی وضاحت کرتے ہوئے کہا کہ 12 روزہ جنگ میں ہم نے آباد کاری اور تعمیرنو کی ذمہ داری قبول کی. انہوں نے کہا کہ عوامی نقل و حمل کی خدمات بھی جاری ہیں اور میٹرو اور بی آر ٹی مکمل طور پر مفت ہیں، شب قدر میں بھی میٹرو کی خدمات چوبیس گھنٹے جاری ہیں۔ تہران کے میئر نے واضح کیا کہ شہر کی ترقی اور آبادانی سے متعلق اقدامات بھی جاری ہیں۔ لائن 6 کے دورے میں 100 سے زائد افراد زیر زمین کام کر رہے تھے۔
انہوں نے مزید کہا کہ اس بات کو مدنظر رکھتے ہوئے کہ میونسپلٹی تباہ شدہ مقامات پر میدان کی متولی ہے، عوام کی جانب سے نقصان کی اطلاع کے لیے سسٹم 137 کے آپشن 3 اور شہرزاد سسٹم پر کی جانے والی کالیں فوری طور پر سسٹم میں درج کی جاتی ہیں۔ جو کچھ تباہی ہوئی ہے اور جو کچھ تباہی کے آس پاس ہے، اسے میونسپلٹی کے علاقوں اور اضلاع کے درمیان تقسیم کیا جاتا ہے اور وہ اپنی ٹیمیں روانہ کرتے ہیں۔
زاکانی نے کہا کہ ہم نے بڑی مقدار میں ملبہ ہٹانے کا کام کیا ہے اور یہ مسلسل جاری ہے، 12 روزہ جنگ میں مجموعی طور پر ملک کے 1450 مقامات کو نشانہ بنایا گیا تھا لیکن حالیہ جنگ میں ابتدائی 10 دنوں کے دوران 9000 مقامات کو نشانہ بنایا گیا ہے۔