خان یونس اور شجاعیہ میں حملے، 39 فلسطینی شہید

غزہ: جنگ بندی کے باوجود صیہونی درندگی تھم نہ سکی۔ خان یونس میں رہائشی عمارت میزائل حملے میں تباہ ہوگئی۔ حملے میں بائیس افراد شہید ہوئے جبکہ شجاعیہ میں پولیس اسٹیشن پر بمباری سے سترہ افراد جان سے گئے۔ شمالی غزہ میں بھی کئی مقامات پر صیہونی جنگی طیاروں اور ڈرونز سے حملے کئے گئے۔ غزہ میں شہدا کی مجموعی تعداد بتیس ہزار چھ سو سے تجاوز کرگئی۔
ادھر خان یونس میں جھڑپوں کے دوران ایک صیہونی فوجی ہلاک اور سولہ زخمی ہوگئے۔ ادھر غزہ کے لوگوں کو بھوک نے اپنی لپیٹ میں لے لیا ہے اور بچے خوراک اور پانی کی کمی سے مر رہے ہیں، ہر دن زندہ رہنے کی جدوجہد بن گیا ہے۔ غذائی قلت اور پانی کی کمی کا شکار اکتیس بچے دم توڑ گئے۔