Raza Musani 
بیروت : حزب اللہ نے جنوبی لبنان میں صیہونی ٹھکانوں پر ڈرون اور راکٹوں سے حملے کئے ہیں۔ حزب اللہ نے مقبوضہ گاؤں حنین میں اسرائیل کے رمیم بیس کو راکٹوں سے نشانہ بنایا۔ حملے کے دوران متعدد صیہونی فوجی ہلاک اور زخمی ہوئے۔ تاہم اسرائیلی فوج نے ہلاکتوں کی تصدیق نہیں کی ہے۔ حزب اللہ نے ایک بیان میں کہاہےکہ اس نے حدب یارون کے علاقے میں کارنٹینا ہل پر ایک پیدل فوج کو نشانہ بنایا ہے۔ اس حملے میں بھی ہلاکتیں ہوئی ہیں جبکہ حدب البستان کے مقام پر بھی میزائل داغے گئے اور الجردہ کے مقام پر توپ خانے سے حملے کیے گئے۔ حزب اللہ نے گذشتہ روز اپنے 7 مجاہدین کی شہادت کی تصدیق کی تھی جس سے حزب اللہ کے شہدا کی تعداد 71 ہوگئی ہے۔
