Raza Musani 
راولپنڈی : افغان سرحدی علاقے جنوبی وزیرستان میں چیک پوسٹ پر دہشت گردوں کے حملے میں سولہ فوجی شہید ہوگئے۔ جنوبی وزیرستان کے ضلع مکین کے علاقے میں دہشت گردوں نے سیکیورٹی فورسز کی چیک پوسٹ پر حملہ کیا۔ دہشت گردوں اور فوجی جوانوں میں شدید فائرنگ کا تبادلہ ہوا جس میں سولہ فوجی مارے گئے۔ فائرنگ کے تبادلے میں آٹھ دہشت گرد بھی ہلاک ہوئے۔ پاک فوج کے ترجمان نے کہا ہے کہ علاقے میں دہشت گردوں کے خاتمے کے لیے کلیئرنس آپریشن جاری ہے، سیکیورٹی فورسز دہشت گردی کے خاتمے کے لیے پرعزم ہیں۔ بہادر جوانوں کی قربانیاں ہمارے عزم کو مزید مضبوط کرتی ہیں۔ وزیراعظم شہباز شریف نے کہا کہ ملک سے ہر قسم کی دہشت گردی کے خاتمے کے لیے پر عزم ہیں۔
