آصف زرداری بھاری اکثریت سے صدر منتخب

اسلام آباد: حکمراں اتحاد کے امیدوار آصف علی زرداری بھاری اکثریت سے صدر منتخب ہوگئے۔ آصف علی زرداری نے مجموعی طور پر 411 الیکٹورل ووٹ حاصل کیے جبکہ سنی اتحاد کونسل کے محمود خان اچکزئی کو 181 الیکٹورل ووٹ ملے۔ آصف علی زرداری ملکی تاریخ کے پہلے سویلین صدر ہیں جو دوسری مرتبہ صدر منتخب ہوئے۔ پارلیمنٹ سے زرداری نے 255 ووٹ لیے۔ اچکزئی کو 119 ووٹ ملے۔ پنجاب ۔ سندھ اور بلوچستان میں زرادری کی اکثریت رہی جبکہ خیبرپختونخوا میں اچکزئی کو اکثریت ملی۔ آصف زرداری ملک کے 14ویں صدر کی حیثیت سے کل ایوان صدر میں حلف اٹھائیں گے۔