Raza Musani 
غزہ : اسرائیل کے مسلسل حملوں کی وجہ سے عالمی ادارہ صحت نے شمالی غزہ میں ادویات کی فراہمی اور طبی امدادی کارروائیاں منسوخ کردیں۔ عالمی ادارہ صحت کے سربراہ ٹیدروس اہڈانوس گیبرئیس نے ایک بیان میں کہا کہ اب تک اس بات کو 12 دن ہوچکے ہیں کہ ہم شمالی غزہ پہنچنے میں ناکام رہے ہیں۔ انہوں نے کہاکہ مسلسل اسرائیلی بمباری اور دوسری رکاوٹوں کے باعث زخمیوں اور بے گھر افراد تک پہنچنے سے قاصر ہیں۔ رکاوٹوں کے باعث غزہ میں خصوصاً شمالی غزہ میں ادویات کی فراہمی تقریباً نا ممکن بن چکی تھی۔ انہوں نے کہا کہ وہ شمالی غزہ میں طبی سہولیات کی شدید قلت اور بد ترین تباہی پر صدمے سے دوچار ہیں۔ ادویات کی فراہمی میں مزید تاخیر کا ہونا فلسطینیوں کی اموات اور مشکلات میں مزید اضافے کا باعث بنے گا۔
