Raza Musani 
لندن: اسکاٹ لینڈ کی سابق فرسٹ منسٹر نکولا اسٹرجن کو گرفتاری کے کچھ دیر بعد بغیر کسی الزام کے رہا کردیا گیا۔ اسکاٹش نیشنل پارٹی کی سربراہ نکولا اسٹرجن کو پارٹی کی فنڈنگ اور مالی معاملات کی جاری تحقیقات کے سلسلے میں گرفتار کیا گیا تھا۔ پولیس نے نکولا اسٹرجن کو سات گھنٹے تک حراست میں رکھا اور ان سے پوچھ گچھ کی گئی۔ انہیں مزید تفتیش کے لیے بغیر کسی الزام کے رہا کردیا گیا۔ پولیس دو سال سے اس بات کی تحقیقات کررہی ہے کہ ایس این پی کو آزادی ریفرنڈم کی مہم کیلئے ملنے والے چھ لاکھ 60 ہزار پاؤنڈ کے عطیات کا کیا ہوا۔ رہائی کے بعد ایک بیان میں نکولا اسٹرجن نے خود کو بے گناہ قرار دیا اور خود پر اعتماد اور حمایت کرنے والوں سے اظہار تشکرکیا۔ نکولا اسٹرجن کے شوہر پیٹر موریل کو بھی اپریل میں پوچھ گچھ کے لیے حراست میں لیا گیا تھا۔
