Raza Musani 
حضرت امام مہدی (ع) روز ولادت کی مناسبت سے پوری دنیا میں تقریبات اور عبادات کی محافل منعقد ہوئیں۔ اس سلسلے میں امام زمانہ علیہ السلام سے منسوب مسجد مقدس جمکران میں لاکھوں زائرین نے حاضری دی۔ اس موقع پر حرم حضرت معصومہ سلام اللہ علیہا سے مسجد جمکران تک پیامبر اعظم شاہراہ پر زائرین پیدل چلتے رہے۔ اس عاشقانہ مارچ (پیادہ روی) کے دوران قم سمیت ایران بھر کے مختلف صوبوں اور شہروں سے آنے والے عشاق امام زمانؑ کے قافلوں کی خدمت کے لئے موکب (زائرین کی خدمت کے لیے) لگائے گئے تھے، تاکہ لوگ آسانی کے ساتھ مشی کو جاری رکھ سکیں اور پیروان فرزند زہراء کی بھر پور خدمت کی جاسکے۔ اس راستے میں خدمت رسانی کے موکبوں کے علاوہ، طلباء اور رضاکاروں نے ثقافتی موکبوں کا اہتمام بھی کر رکھا تھا۔
قابل ذکر ہے کہ کچھ نوجوان مسجد جمکران کے زائرین کے جوتے مفت میں پالش کرتے ہیں تو ان میں سے کچھ امام زمانہ ع کی خوشنودی کے لئے مختلف خدمات بلاعوض فراہم کرتے ہیں جیسے فری ہیئر کٹنگ، سلائی اور موبائل فون رپیئرنگ وغیرہ۔
