Raza Musani 
طرابلس : لیبیا میں ناکام بغاوت کے بعد فسادات پھوٹ پڑے۔ دارالحکومت طرابلس میں مسلح گروپوں کے درمیان جھڑپیں شروع ہو گئی ہیں۔ کئی اضلاع میں دھماکے سنے گئے اور مسلح افراد کے درمیان فائرنگ کے تبادلے ہوئے۔ اب تک چار افراد کے زخمی ہونے کی اطلاع ہے۔ شہریوں نے متاثرہ علاقوں سے نقل مکانی شروع کردی ہے۔ مقامی میڈیا کے مطابق شدید لڑائی میں مغربی لیبیا سے تعلق رکھنے والی دو بااثر ملیشیا ملوث ہیں۔ ایک ملیشا نواسی بریگیڈ کا تعلق اپوزیشن سیاستدان فتحی باشاغا اور دوسری اسٹیبلٹی سپورٹ فورس کا تعلق عبوری وزیر اعظم عبدالحمید دبیبہ سے ہے۔ لیبیا میں اقوام متحدہ کے مشن نے طرابلس میں جھڑپوں پر تشویش کا اظہار کیا ہے۔
