Raza Musani 
جدہ : اسلامی تعاون تنظیم اور عرب پارلیمنٹ نے ارجنٹائن کا اپنے ملک کا سفارت خانہ مقبوضہ بیت المقدس منتقل کرنے کے اعلان کی مذمت کی ہے۔ او آئی سی نے ایک بیان میں کہا کہ ارجنٹائن کا اقدام بین الاقوامی قوانین اور اقوام متحدہ کی متعلقہ قراردادوں بالخصوص سلامتی کونسل کی صریح خلاف ورزی ہے۔ او آئی سی نے یہ بھی اجاگر کیا کہ یہ غیر قانونی اقدام فلسطینی عوام کے حقوق کی خلاف ورزی ہے۔ اس نے ارجنٹائن سے مطالبہ کیا کہ وہ اس اقدام کو آگے نہ بڑھائے۔
ادھر عرب پارلیمنٹ نے کہا کہ شہر کی قانونی، تاریخی اور مذہبی حیثیت پر نظرثانی نہیں ہوسکتی۔ بیان میں کہا گیا ہے کہ ارجنٹائن کے صدر کا اقدام بین الاقوامی قانون اور فلسطینی عوام کے جائز حقوق کی صریح خلاف ورزی تصور کیا جائے گا۔
