Raza Musani 
جدہ : عرب ممالک اور ترکیہ نے شام کی سکیورٹی، استحکام، اتحاد اور خود مختاری کی حمایت اور اندرونی معاملات میں غیرملکی مداخلت مسترد کرنے کا اعادہ کیا ہے۔
سعودی عرب، متحدہ عرب امارات، اردن، بحرین، ترکیہ، عراق، عمان، قطر، کویت، لبنان اور مصر کے وزرائے خارجہ نے گزشتہ دو دن کے دوران شام کے واقعات پر مشاورت کی ہے۔ عرب نیوز کے مطابق مشاورت کے دوران شام کی خودمختاری، سلامتی اور تعمیرِ نو سے متعلق امور پر مشترکہ حکمتِ عملی اختیار کرنے پر زور دیا گیا۔ وزرائے خارجہ نے السویدا میں بحران کے حل کے لیے معاہدے کا خیرمقدم کیا اور اس پر عملدرآمد کیلئے زور دیا۔ وزرائے خارجہ کا کہنا تھا کہ شام کا استحکام اور سلامتی پورے خطےکے امن سے جڑی ہے اور یہ عرب ممالک کی اسٹریٹجک ترجیح ہے۔ وزرا نے بین الاقوامی برادری سے مطالبہ کیا کہ وہ تعمیرِ نو کے عمل میں شامی حکومت کی مدد کرے۔
