Raza Musani 
اسلام آباد: پاکستان میں فوجی اور سیاسی قیادت پر مشتمل ایپکس کمیٹی نے دہشت گردی کیخلاف ایک اور آپریشن عزم استحکام کی منظوری دے دی۔وزیراعظم شہبازشریف کی زیرصدارت نیشنل ایکشن پلان پر مرکزی اپیکس کمیٹی کا اجلاس اسلام آباد میں ہوا۔ اجلاس کے اعلامیہ کے مطابق فورم نےانسداد دہشت گردی کی جاری مہم کا جامع جائزہ لیا اور داخلی سلامتی کی صورتحال کا جائزہ لیا۔ اجلاس میں مکمل قومی اتفاق رائے اور نظام کے وسیع ہم آہنگی پر قائم ہونے والی انسداد دہشت گردی کی ایک جامع اور نئی جاندار حکمت عملی کی ضرورت پر زور دیا گیا۔ یہ آپریشن ایک جامع اور فیصلہ کن انداز میں انتہا پسندی اور دہشت گردی کے خطرات سے نمٹنے کے لیے کوششوں کے متعدد خطوط کو مربوط اور ہم آہنگ کرے گا۔ سیاسی سفارتی دائرہ کار میں علاقائی تعاون کے ذریعے دہشت گردوں کے لیے آپریشنل جگہ کو کم کرنے کی کوششیں تیز کی جائیں گی۔ مسلح افواج کی تجدید اور بھرپور متحرک کوششوں کو تمام قانون نافذ کرنے والے اداروں کی مکمل حمایت سے بڑھایا جائے گا۔
