Raza Musani 
نیو یارک: اقوام متحدہ کے سربراہ انتونیو گوتریس نے امریکی نژاد اسرائیلی فوجی کی رہائی کا خیرمقدم کرتے ہوئے غزہ میں جامع جنگ بندی پر زور دیا ہے۔ انتونیو گوتریس نے کہا کہ ایڈان الیگزینڈر کی رہائی خوش آئند ہے ان تمام قیدیوں کو بھی رہا کرنے کی ضرورت ہے جو طویل عرصے سے قید ہیں۔ سیکریٹری جنرل نے فوری طور پر مستقل جنگ بندی اور باقی تمام یرغمالیوں کی فوری اور غیر مشروط رہائی کے مطالبہ کااعادہ کیا۔ انہوں نے تمام فریقین پر زور دیا کہ وہ فوری طور پر بلا روک ٹوک اور محفوظ انسانی امداد کی فراہمی کو یقینی بنائیں۔ انتونیو گوتریس نے تنازع کے خاتمے کیلئے کی جانے والی سفارتی کوششوں کی بھی تعریف کی۔ انہوں نے تمام فریقوں پر زور دیا کہ وہ ایک جامع معاہدے تک پہنچنے کے لیے امریکی فوجی کی رہائی کے سلسلے کو آگے بڑھائیں۔
