Raza Musani 
تہران : ایران کی مزاحمت سے امریکی صدر ڈونلڈ ٹرمپ کو پسپائی اختیار کرنا پڑگئی اور آبنائے ہرمز میں نام نہاد پروجیکٹ فریڈم کو روکنے کا اعلان کر دیا۔ سوشل میڈیا پر ایک پوسٹ میں ٹرمپ نے لکھا کہ ایک دن قبل شروع کیا گیا پراجیکٹ فریڈم ایران کے ساتھ کسی معاہدے کی جانب بڑی پیشرفت ہونے کے باعث باہمی اتفاق سے روکا جا رہا ہے۔ ٹرمپ نے کہا کہ انھوں نے یہ فیصلہ پاکستان اور دیگر ممالک کی درخواست پر کیا ہے جس نے امریکہ اور ایران کے درمیان ثالث کا کردار ادا کیا ہے۔ انھوں نے مزید کہا کہ ایرانی بندرگاہوں پر امریکی ناکہ بندی برقرار رہے گی۔ ایرانی سرکاری میڈیا نے اسے فتح قرار دیا اور کہا کہ آبنائے ہرمز دوبارہ کھولنے میں مسلسل ناکامیوں کے بعد ٹرمپ پیچھے ہٹ گئے.
