غزہ میں امداد کے متلاشیوں کا ایک بار پھر قتل عام، 38 فلسطینی شہید

غزہ : صیہونی فوج نے غزہ میں امداد کے متلاشیوں کا ایک بار پھر قتل عام کیا ہے۔ رفح میں بھوکے فلسطینیوں پر اندھا دھند فائرنگ سے اڑتیس فلسطینی شہید اور درجنوں زخمی کردئے۔ صیہونی فوج نے غزہ میں امداد کیلئے امدادی مراکز پر آنے والوں کا قتل عام جاری رکھا ہوا۔
پیر کی شام ایک بار بھوکے اور نہتے فلسطینیوں پر گولیاں برسائی گئیں۔ درندگی کے اس مظاہرے میں ہر طرف لاشیں اور زخمی بکھر گئے۔ ستائیس مئی کے بعد سے اب تک امداد کے متلاشی 338 فلسطینی شہید اور 2 ہزار 831 زخمی کئے جاچکے ہیں۔
ادھر صیہونی فوج نے غزہ کے دیگر علاقوں میں بھی نسل کشی کو جاری رکھا۔ خان یونس ۔ جبالیہ اور دیگر علاقوں میں ڈرونز اور توپ خانے سے حملے کئے گئے۔
چوبیس گھنٹوں میں چھپن فلسطینی شہید کردئے گئے۔