ایران کی ایک اور بڑی کامیابی، مزید 3 سیٹلائٹس خلا میں بھیج دئے، مغرب کو تشویش

تہران : ایران نے انقلاب کی سالگرہ کی مناسبت سے ایک ساتھ تین سیٹلائیٹس خلا میں بھیج دئے۔ تینوں سیارے مہدا، کیھان دو اور ہاتف ایک کو ایرانی وزارت دفاع کے تیار کردہ سی مرغ سیٹلائٹ لانچنگ ویکل کے ذریعے خلا میں بھیجا گیا اور تینوں سیٹلائٹ زمین کے مدار میں پہنچ گئے۔ ایک سیارے مہدا کا وزن 32 کلوگرام ہے جبکہ باقی دو سیاروں میں ہر ایک کا وزن دس کلو گرام سے کم ہے۔ ان میں سے ہر ایک کو 450 کلو میٹر کے فاصلے تک بھیجا گیا ہے۔ سیاروں کے ساتھ لگائی گئی دو چھوٹی ڈیوائسز جیو پوزیشننگ اور مواصلاتی رسائی کے حوالے سے کام کریں گی۔ مغربی ملکوں نے ایرانی اقدام پر تشویش کا اظہارکیاہے کہ ایران کو کامیابی مل گئی تو وہ طویل فاصلے تک مار کرنیوالے بلیسٹک میزائل بھی تیار کرنے کی پوزیشن میں آجائے گا۔