Raza Musani 
غزہ : ایک سو بائیس روز سے جاری اسرائیلی بربریت میں مزید شدت آگئی ہے۔ اسرائیلی فوج نے خان یونس پر قبضے کو انا کا مسئلہ بنالیا ہے۔ دو ماہ سے اسرائیلی فوج کو خان یونس میں شدید مزاحمت کا سامنا ہے اور حماس نے دعویٰ کیا ہے کہ اس نے مزید بیس اسرائیلی فوجیوں کو ہلاک کردیا ہے۔ اسرائیلی بمباری سے خان یونس میں کوئی عمارت رہائش کے قابل نہیں رہی ہے ۔دیرالبلاح اور رفح پر بھی اسرائیل نے حملے کیے ہیں سات اکتوبر سے جاری وحشیانہ بمباری میں اب تک ستائیس ہزار سے زائد فلسطینی شہید ہوچکے ہیں ۔ گزشتہ چوبیس گھنٹوں میں 195 فلسطینی شہید ہوئے ہیں جن میں سب سے زیادہ اموات خان یونس میں ہوئی ہیں ۔جہاں 80 فلسطینی شہید ہوئے ہیں.
