غزہ میں بیرونی موجودگی کو قابض قوت سمجھا جائے گا، فلسطینی تنظیمیں

دمشق: فلسطینی مزاحمتی تنظیموں نے غزہ میں عرب افواج کی تعیناتی کی اسرائیلی تجویز کو مسترد کرتے ہوئے خبردار کیا ہےکہ کسی بھی بیرونی موجودگی کو قابض قوت سمجھا جائے گا۔ دمشق سے جاری بیان میں مزاحمتی تنظیموں کے مشترکہ محاذ نے کہا کہ میدان جنگ میں ناکامی کے بعد اسرائیلی تجاویز کا مقصد عرب ممالک کو اپنے ایجنڈے میں پھنسانا ہے۔ بیان میں اسرائیلی تجاویز کی تعمیل کے خطرات سے خبردار کیا گیا ہے اورکہا گیا ہے کہ عرب ممالک ایک نیا صیہونی جال بن رہے ہیں جسے امریکہ اور اسرائیل غزہ میں اپنی شکست کو بدلنے کے لیے مسلط کرنے کی کوشش میں ہیں۔ انہوں نے اس بات پر بھی زور دیا کہ فلسطینی عوام اپنی قومی خودمختاری کو برقرار رکھنے اور اس کی آزادی کو نقصان پہنچانے کی تمام اسرائیلی امریکی سازشوں کو ناکام بنانے کی صلاحیت رکھتے ہیں۔