Raza Musani 
نیویارک : اقوام متحدہ، یورپی یونین اور ورلڈ بینک کے مشترکہ جائزے کے مطابق غزہ کی تعمیر نو کے لیے 50 ارب ڈالر سے زیادہ کی ضرورت ہوگی۔ انٹرم ریپڈ ڈیمیج اینڈ نیڈز اسسمنٹ کے مطابق اگلے دس سالوں میں بحالی اور تعمیر نو کے لیے تریپن ارب بیس کروڑ ڈالر کی ضرورت ہے۔ جس میں سے پہلے تین سال میں بیس ارب ڈالر درکار ہوں گے۔ رپورٹ کے مطابق تعمیر نو کا کام برسوں پر محیط ہے. جس میں غیر پھٹے ہوئے بم اور لاکھوں ٹن ملبے کی صفائی شامل ہیں۔ رپورٹ کے مطابق بحالی کی رفتار۔ پیمانہ اور دائرہ کار سے تعمیر نو کے معاملات کا تعین ہوگا۔
دو لاکھ پچانوے ہزار گھر تباہ ہوچکے ہیں۔ پچانوے فیصد اسپتال غیر فعال ہیں۔ معیشت تراسی فیصد تک سکڑ چکی ہے۔
رپورٹ کے مطابق تعمیر نو کی لاگت کا نصف سے زیادہ عمارتوں اور دیگر بنیادی ڈھانچے کو پہنچنے والے نقصان کی مرمت کے لیے درکار ہو گا۔
