امریکا کا کردار متعصبانہ ہے، اسے تعمیری کردار ادا کرنا چاہئے، چین

بیجنگ : چین نے امریکا پر مشرقی وسطیٰ میں تعمیری کردار ادا کرنے پر زور دیا ہے۔ چینی وزیرخارجہ وانگ یی نے اپنے امریکی ہم منصب انٹونی بلنکن سے فون پر بات کرتے ہوئے اسرائیلی حملے کی شدید مذمت کا اظہار کیا اور سفارتی اداروں کی سلامتی کے واجبُ الاحترام حق اور ایران اور شام کی خودمختاری کا احترام کرنے کی ضرورت پر زور دیا۔ انہوں نےکہاکہ چین مشرقِ اوسط کے مسئلے کے حل میں تعمیری کردار ادا کرتا رہے گا اور حالات کو ٹھنڈا کرنے میں اپنا کردار ادا کرے گا۔ انہوں نے امریکہ پر اسرائیل کا طرف دار ہونے پر تنقید کی ہے۔ چینی وزارت خارجہ کے ترجمان نے کہاکہ کشیدگی کا یہ مرحلہ غزہ تنازعہ کے پھیلاؤ کا تازہ ترین مظہر ہے اور یہ ناگزیر ہے کہ غزہ تنازعہ کو جلد از جلد ختم کیا جائے نیز انہوں نے بیجنگ کی جانب سے فوری جنگ بندی کا مطالبہ کیا۔