امریکی مسلم تنظیموں نے صدربائیڈن کے افطار ڈنر کا بائیکاٹ کردیا

واشنگٹن: امریکہ کی مسلم تنظیموں نے غزہ کے مسئلے پر بطور احتجاج امریکی صدر جو بائیڈن کے افطار ڈنر کا بائیکاٹ کردیا ہے۔ امریکی صدر جوبائیڈن نے ہر سال کی طرح مسلمانوں کو افطار ڈنر پر وائٹ ہاؤس میں دعوت دی تھی۔ کونسل آن امریکن اسلامک ریلیشنز کے ایڈورڈ احمد مچل نے بتایا کہ افطار ڈنر کی تقریب منسوخ کردی گئی ہے کیونکہ مسلم گروپس اور تنظیموں نے غزہ کی پالیسی پر صدر جوبائیڈن کی پالیسیوں کو ناقابل قبول قرار دیا ہے اور موجودہ صورتحال میں افطار ڈنر میں شرکت سے معذرت کرلی ہے۔ امریکی مسلمان تنظیموں کے مطابق غزہ میں جاری قتل عام کے دوران امریکی صدر کے افطار ڈنر میں شرکت کی کوئی اخلاقی وجہ موجود نہیں ہے.