یمن پر امریکی حملہ، 11 خواتین سمیت 29 افراد شہید، 17 زخمی

صنعا: یمن پر امریکی فضائی حملوں میں گیارہ خواتین اور ایک بچے سمیت انتیس افراد شہید جبکہ سترا زخمی ہو گئے۔ امریکی لڑاکا طیاروں نے یمن کے شہر صعدہ میں 2 منزلہ رہائشی عمارت کو نشانہ بنایا ہے۔ جس سے وہ مکمل تباہ ہوگئی۔ حملے میں گیارہ خواتین سمیت پچیس افراد شہید ہوئے۔ یمنی دارالحکومت صنعا کے شمال مشرق میں واقع شعب الحفا کے علاقے میں بھی ایک مکان پر حملہ کیا گیا جس میں چار شہری شہید اور خواتین اور بچوں سمیت 16 دیگر زخمی ہو گئے ۔ اس سے قبل حدیدہ کے مغرب میں واقع جزیرہ کمران میں حوثی مجاہدین کے ٹھکانوں پر 4 حملے کئے گئے ہیں۔