امریکا دنیا پر نیا استعماری نظام مسلط کرنا چاہتا ہے، روس

ماسکو: روسی وزیر خارجہ سرگئی لاروف نے کہا ہے کہ امریکا دنیا پر نیا استعماری نظام مسلط کرنا چاہتا ہے۔ ماسکو میں امور خارجہ کی بزنس کونسل سے خطاب میں روسی وزیرخارجہ نے کہاکہ امریکی زیر قیادت مغرب نے روس کے خلاف ہائی برڈ جنگ شروع کر رکھی ہے۔ اور وہ پابندیوں کے بہانے روس کی ترقی میں خلل ڈالنے کی کوشش کر رہا ہے۔ انہوں نے کہاکہ امریکا اور اس کے اتحادی نئےاستعماری نظام کے استعمال اور امریکی طرزعمل کو عالمگیر حیثیت دلوانے کی کوشش میں ہیں جس سے دنیا کا تحفظ خطرے میں آچکا ہے۔ انہوں نے کہا کہ آج متعدد ممالک امریکی زیر اثر مالیاتی اداروں کے طریقہ کار سے متاثر ہیں۔ اسی لئے روس سمیت متعدد ممالک بیرونی تجارت کی ادائیگی میں متبادل زرمبادلہ کے استعمال کو ضروری سمجھتے ہیں۔