امریکا نے چین، میکسیکو، کینیڈا پر ٹیرف عائد کردیا

واشنگٹن : امریکی صدر ٹرمپ نے آج سے چین ۔ میکسیکو اور کینیڈا پر ٹیرف عائد کردیا۔ جبکہ یورپی یونین پر بھی ٹیرف لگانے کی دھمکی دیدی۔ وائٹ ہاؤس پریس سیکریٹری کیرون لیویٹ نے بتایا کہ صدر ٹرمپ نے چین پر دس فیصد جبکہ میکسیکو اور کینیڈا پر پچیس پچیس فیصد ٹیرف عائد کیا ہے۔ کینیڈا میں تیل و گیس پر ٹیرف کا اطلاق اٹھارہ فروری سے ہوگا ۔انہوں نے کہا کہ امریکی صدر نے ابھی تک یورپی یونین کے خلاف ٹیرف نافذ کرنے سے متعلق حتمی فیصلہ نہیں کیا ہے۔
صدر ٹرمپ نے کہاکہ کینیڈا، میکسیکو اور چین ٹیرف کو روکنے کے لیے کچھ نہیں کر سکتے۔ ٹرمپ نے کہا کہ یورپی یونین پر محصولات کے لیے بہت اہم منصوبہ بنایا گیا ہے۔ ٹرمپ نے کہا کہ ان کے منصوبے مختصر مدت کے لیے ممکنہ رکاوٹ کا باعث بن سکتے ہیں۔