Raza Musani 
واشنگٹن: امریکا نے اسرائیلی قیادت کے وارنٹ جاری کرنے پر انٹرنیشنل کرمنل کورٹ (آئی سی سی) کے چیف پراسیکیوٹر کریم خان پر پابندیاں عائد کردیں۔ امریکی محکمہ خزانہ نے کریم خان کے امریکا میں موجود تمام اثاثے منجمد کر دیے ہیں اور ان کے داخلے پر پابندی عائد کر دی گئی۔ امریکی صدر ٹرمپ نے عالمی عدالت پر پابندیاں لگانے کا ایگزیکیٹو آرڈر جاری کیا تھا۔ ایگزیکٹو آرڈر میں بین الاقوامی فوجداری عدالت کی اسرائیل کیخلاف کارروائی کو بد اخلاقی کا ارتکاب قرار دیا گیا۔ اور اسے امریکی خود مختاری کے لیے خطرناک بھی کہا گیا ہے۔ کریم خان پر پابندیوں کے نوٹس میں کہا گیا تھا کہ بین الاقوامی فوجداری عدالت نے امریکہ کے قریبی اتحادی اسرائیل کے خلاف بلا جواز اور بے بنیاد اقدامات کا نشانہ بنایا ہے۔ بین الاقوامی فوجداری عدالت کے اقدام سے براہ راست طور پر امریکہ کے موجودہ اور سابقہ حکام بھی خطرے میں آگئے ہیں۔
