ماسکو دہشت گردی میں داعش نہیں امریکا، برطانیہ اور یوکرین ملوث ہیں، روس

ماسکو: روس کی فیڈرل سیکیورٹی سروس کے ڈائریکٹر الیگزینڈر بورتنیکوف نے کہاہے کہ ماسکو کے کنسرٹ ہال حملے میں امریکا، برطانیہ اور یوکرین ملوث ہیں۔ حملے میں ہلاک ہونے والوں کی تعداد 139 تک جا پہنچی ہے۔ اگرچہ یوکرین نے اس حملے میں ملوث ہونے کے روسی الزامات کی تردید کی ہے تاہم بورتنیکوف کا کہنا تھا کہ اسلامی شدت پسندوں نے کارروائی کی اور ان کی مدد مغربی ممالک کی اسپیشل سروس فورس نے کی، اس پورے معاملے میں یوکرین براہِ راست ملوث ہے۔ انہوں نے روسی صدر پوتن کا دعویٰ دہراتے ہوئے کہا کہ چار مسلح افراد یوکرین فرار ہونے کی کوشش کر رہے تھے کہ انہیں گرفتار کیا گیا۔